പുതുവര്‍ഷപ്പുലരി പോല്‍ ജൂണ്‍ ഒന്നിതാ വന്നെത്തീ..
പുതു പുതു മുകുളങ്ങള്‍ വിരിയുകയായ്...
പുതു പ്രതീക്ഷകളും ആശകളും മോഹങ്ങളും
പുത്തന്‍ ഉണര്‍വും പൂ ചൂടി നിന്നു.
പുലരുവാന്‍ ഇനി നേരമധികം ഉണ്ടോ?
പുറപ്പെടാന്‍ ഒട്ടും വൈകരുതല്ലോ.
പുസ്തകസഞ്ചിയും തോളില്‍ തൂക്കി,
പുഞ്ചിരി പൈമ്പാല്‍ ചുറ്റും പരത്തി,
പുത്തന്‍ വര്‍ണ്ണക്കുട പതിയെ നിവര്‍ത്തി,
വന്നെത്തും കൊച്ചു കുരുന്നുകളേ, കൂട്ടുകാരേ,
പൂക്കട്ടെ, കായ്ക്കട്ടെ ഈ പ്രയത്നങ്ങള്‍,
പതിരായ്‌ തീരാതിരിക്കട്ടെ ഒട്ടും.
ഏകട്ടെ ഞാനിതാ ആശംസകള്‍, 
നേരട്ടെ ഞാനിതാ മംഗളങ്ങള്‍ .
ആയുരാരോഗ്യ സൗഖ്യങ്ങളും.!
- ശ്രീരാം മംഗലസ്.
