സൃഷ്ടി

മുരിഞ്ഞുപ്പേരീം ചോറും പഠനപ്രവര്‍ത്തനങ്ങളുടെ ഭാഗമായി കുട്ടികള്‍ തയ്യാറാക്കിയ കൂത്തുകളില്‍ ഒന്ന് . മറ്റുള്ളവര്‍ക്ക് പ്രോത്സാഹനമാകുമെങ്കില്‍ …...........

-അഹമ്മത് ഷരീഫ് കുരിക്കള്‍

ആദര്‍ശവിദ്യാലയം

{ചാക്യാര്‍ക്കൂത്ത്}

മുറ്റത്ത് നോക്കിയപ്പോ കണ്ണിനൊരു കുളിര്‍മ തോന്നിയേ...!

പ്രഭാതസൗന്ദര്യം കണ്ട എനിക്ക് ക്ഷ രസായി. കാരണം,കുറേ നാളായി കരുതുന്നു ഒരു നടത്ത്ങ്ങട് നടക്കാ. ന്ന്ന്നല്ല്യ ,കുറേ നാളായി വിചാരിക്കണു നമ്മടെ നാട്ടിലൊന്ന് പോവാന്‍.ഒപ്പം തലക്ലായി ക്ഷേത്രത്തിലൊന്ന് പോയി തൊഴുവേം വേണം. ബസ്സിറങ്ങി

അങ്ങനെ ഞാന്‍

'ര്‍ങ്ങണ്ടം ...ര്‍ങ്ങണ്ടം...ര്‍ങ്ങണ്ടം' നടന്ന് നടന്ന് ….....

ന്താ യീ കാണണേ? ആരാ ഈ പാറപ്പുറം കയ്യേറി സെന്‍ട്രല്‍ ജയില് കെട്ടിയേ? ഏയ് അല്ലാട്ടോ നിക്ക് തെറ്റീതാ. അതൊരാദര്‍ശവിദ്യാലയാ {മോഡല്‍ റസിഡന്‍ഷ്യല്‍ സ്കൂള്‍,

കാസറഗോഡ്}....... ഞാനങ്ങനത് നോക്കി നില്‍ക്കാര്ന്നേ അപ്പതാ സടപടാന്ന് ഒരു ശബ്ദം. പച്ചക്കുട്ടിപ്പട്ടാളം ഷൂവിട്ട് ഭൂമി ചവിട്ടി മെതിച്ചങ്ങനെ ന‌ടക്കാ. തെന്താപ്പോ ? നല്ല ചേല് ഇത്രേം നേരം കൂട്ടംകൂട്ടായി നടന്ന കുട്ട്യോള് ലൈനാവ്വോ? നിക്ക് ക്ഷ രസായി. കാരണം, എങ്ങനയാ സ്കൂള് ആദര്‍ശിക്കണേന്ന് അറിയണല്ലോ ! അങ്ങനെയിരിക്കുമ്പോളതാ ഒരു പോലീസ് മൂപ്പര് .പോലീസല്ലാട്ടോ നടത്തം കണ്ടപ്പം നിക്ക് തോന്നീതാ. അവിടത്തെ ഒരു മാഷാട്ടോ. 'പാറാവ്കാരൊന്നും' ഇല്ലാത്തതിനാല്‍ ഉള്ളില്‍ ക്ഷ സന്തോഷത്തോടെ ഞാന്‍ ആ സ്കൂളിന്റെ പടി കടന്ന് ചുറ്റിക്കാണാന്‍ തുടങ്ങി. അങ്ങനെ 'ര്‍ങ്ങണ്ടം ...ര്‍ങ്ങണ്ടം...ര്‍ങ്ങണ്ടം' നടന്ന് നടന്ന് ….....പോമ്പഴേ ഇടയ്ക്ക് ഒരു ശകുനം. മലപോലങ്ങട് നില്‍ക്കാ. അസ്സല് മടക്ക്പര്‍വതം തന്നെ! "ഹ, താനങ്ങട് പോണ്ടാന്ന്ള്ള ഭാവത്തില് ". എല്ലാം കണ്ടപ്പോ നിക്ക് കാര്യകാരണങ്ങള് ശ്ശി...ശ്ശി...മനസ്സിലാവാന്‍ തുടങ്ങി. മഹായോഗ്യനായ 'എച്ച്.എം' തിരുമനസ്സിനടുത്തേക്ക് ‌ഞാന്‍ വച്ചടിച്ചു. ന്ന്ന്നല്ല്യ, ചെന്നുടന്‍ ഞാന്‍ ഞെട്ടിപ്പോയി! എന്റെ പഴേ മലയാളം മാഷ് ! ഞാനദ്ദേഹത്തെ നന്നായൊന്ന് അഭിവാദനം ചെയ്തു.പിന്നെ, കുശലപ്രശ്നങ്ങളോട് കൂടി തുടങ്ങി.

“ഗുഡ് മോണിംഗ്"

'ഗുഡ് മോണിംഗ്

"സാറേ എന്നെ ഓര്‍മ്മയില്ലേ?”

'സുഭാഷല്ലേ? താനിപ്പോ എന്താ ചെയ്യണേ?”

“അങ്ങനൊന്നില്ല്യാ, ഞാനൊരു ചെറിയ ജേര്‍ണലിസ്റ്റാ...”

'കണ്ടിട്ടെത്ര നാളായി!'

“വളരെ ദിവസായി കാണണന്ന് നിരീക്കണു.”

' ന്താപ്പോങ്ങനെ? '

"പിന്നേം നൂറൂമേനി വിളഞ്ഞല്ലേ?"

'ഉവ്വ്, എസ്.എസ്.എല്‍.സിയിലും ,ഹയര്‍സെക്കന്ററിയിലും.

“പാഠശാലേല് എന്താ വിശേഷങ്ങള്?”

“അങ്ങനൊന്നുണ്ടായിട്ടില്ല. ന്നാലൊന്നില്ല്യാന്ന് പറയാനും വയ്യേനീം.”

'ന്താത് പറഞ്ഞോളൂട്ടോ.'

“സ്കൂളില് ഛിദ്രം സഹിക്കവയ്യാതായിരിക്കണൂ.”

'ഓഹോ! ആരു തമ്മിലാ? മാഷമ്മാര് തമ്മിലാ? ഉള്ളില് ഛിദ്രം തുടങ്ങിയാ പിന്നെ ആകെ പ്രശനാട്ടോ'

“അല്ല!”

'പിന്നാര് തമ്മിലാ വഴക്ക്? കുട്ട്വോളും മാഷമ്മാരും തമ്മിലാ'

“അല്ലന്നേ!”

'പിന്നാര് തമ്മിലാ വഴക്ക്? കുട്ട്വോളു തമ്മിലാ'

“അതുമല്ല! തറേം ടൈല്‍സും തമ്മിലാണേ".

'ന്താ ഈ മാഷ് പറേണേ? തറേം ടൈല്‍സും തമ്മില് വഴക്കോ?'

“അത് ഞാമ്പറയാം.സ്കൂളിന്റെ നിര്‍മ്മാണം ങ്ങനെ നടക്കാണ്.ആദ്യം തറേം ടൈല്‍സും തമ്മില് നല്ല ചങ്ങാതിമാരാര്‍ന്നു. പിന്നെ അബ്ബാസെന്ന

മേസ്തിരി ഹയ്! ന്താ കോണ്‍ട്രാക്ട്.....അന്ന് മുതല് ഏഴരക്കോടീട പേരില് തറേം ടൈല്‍സും തമ്മില്‍ ശ്ശി ഛിദ്രാ...”

'തെന്താപ്പോ ങ്ങനെ ന്റെ ദേവ്യേ?'

“കൈയ്യിട്ടുവാരലിനാണല്ലോ ഇന്നു സ്ഥാനം.ഛിദ്രം മൂത്ത് ടൈല്‍സിന്റെ സ്ഥാനം കൂടി തറ കയ്യേറി. മാത്രല്ല, പ്പൊ ടൈല്‍സിന് ഒരു സ്ഥാനോല്ല്യാന്നായിട്ട്ണ്ട്.”

'ഇത് നല്ല കൂത്ത്.'

“ടൈല്‍സിന്റെ സ്ഥാനത്ത് തറയാ.ന്നാ ടൈല്‍സൊട്ടില്ല്യാന്ന് പറഞ്ഞാ ഭോഷ്കാവോന്ന് ഭയന്ന് പറേണില്ല്യാന്ന് മാത്രം.”‌

പിന്നെ ഞാന്‍ പത്രത്തിലൊരു ന്യൂസ് കിട്ടിയതിന്റെ സന്തോഷത്തോടെ പതുക്കെയങ്ങട് ര്‍ങ്ങണ്ടം...ര്‍ങ്ങണ്ടം...ര്‍ങ്ങണ്ടം തിരിഞ്ഞു നടന്നു............

-ശുഭം-

തയ്യാറാക്കിയത്

ബബിത ബാലന്‍

അമൃത വി.

അക്ഷയ സി.എല്‍

അഞ്ജുമാധവന്‍

ജ്യോതി ബി കെ

സുനു എസ്

നമിത റ്റി.

കൂടുതല്‍ രചനകള്‍ വായിക്കാന്‍  http://mathrukavidyalayam.blogspot.com സന്ദര്‍ശിക്കുക.

******************************************************************

നിന്‍ ചിന്തപുണരാത്ത-

തെന്തുണ്ടീ മണ്ണില്‍ വിണ്ണില്‍?

നിന്‍ ആത്മശോഭ തീണ്ടാ-

തുണ്ടോ പുല്‍ക്കൊടിപോലും?

ആ നവദീപ്തിയില്‍ നീ

കുളിപ്പിച്ചെന്‍ നാടിനെ

സാനന്ദം വിശുദ്ധിതന്‍

പൊന്നാടയണിയിച്ചു.

ആരംഭമന്നേയിട്ടീ-

കാടിനെ-നാടാക്കുവാ

നാധാരാമാക്കി മുഗ്ദ്ധ

സ്നേഹത്തെ സ്വതന്ത്ര്യത്തെ

മഹത്വം വിഗണിക്കാ-

നാവില്ലയദ്ധ്വാനത്തില്‍

മഹത്വമറിഞ്ഞവ-

നാണെന്റെ ഗുരുനാഥ൯.

ജിസ്നാ ജയിമോന്‍

std-9A

സെന്റ് ജോര്‍ജ്ജ് VHSS

കൈപ്പുഴ, കോട്ടയം

=======================================================

(മിനിക്കഥ)

ബോംബെയിലെ തിരക്കു പിടിച്ചൊരു ഷോപ്പില്‍വച്ചാണ് ഞാനയാളെ പരിചയപ്പെടുന്നത്. പേരും നാട്ടുപേരും ചോദിച്ചപ്പോള്‍ അയാളെന്റെ നാട്ടുകാരനായിരുന്നു. വീടും വീട്ടുപേരും ചോദിച്ചപ്പോഴോ, എന്റെ തൊട്ടയല്‍വാസിയും............! എനിക്കത്ഭുതമായി........... "നമ്മളെന്തേ ഇത്രനാള്‍ പരിചയപ്പെടാതെ പോയി ?" മറുപടിയ്ക്കു പകരം അയാളൊരു ഫോട്ടോ കാണിച്ചു. ഞാന്‍ ഞെട്ടി. കാരണം എന്റെ വീടിനുചുറ്റും ഒരു വലിയ മതിലുണ്ടായിരുന്നു.

 ന്യൂസ്

കവിത 

കാര്‍ട്ടൂണ്‍ കോമാളികള്‍ തന്‍

വിഡ്ഢിത്തങ്ങള്‍ കണ്ട്

പൊട്ടിച്ചിരിക്കുന്ന അണുകുടുംബമേ....

താഴെ ഫ്ളാഷ്ന്യൂസ് ഒന്നു നോക്കുക......

ഫലസ്തീനില്‍ ഭീകരര്‍ നടത്തിയ

ബോംബാക്രമണത്തില്‍

ഇരുപത്തഞ്ച് പിഞ്ചുകുഞ്ഞുങ്ങള്‍

മരിച്ചുവത്രെ.......................

സഫ് വാന എം. കെ.

പത്ത് എ

ജി.എച്ച് .എസ്. പെരുവള്ളൂര്‍,

വേങ്ങര, മലപ്പുറം

( C/o T. K. Narayanan. Teacher. GGHSS Madappally)

**************************************************************

അറിയാതെ വിതുമ്പീടുന്നു മനം

ഒരു തേങ്ങലായ് കുതിച്ചുയരുന്നു.

ഇണയില്ലാതെ അലയുന്ന ആത്മാവായ ഞാന്‍

പകല്‍ വെളിച്ചത്തില്‍ ഇരുണ്ടുപോയി

നയനങ്ങള്‍ രണ്ടും മൗനമായീടുന്നു

ചുടുവേദനയുടെ ഇരയായിടുന്നു ഞാന്‍.

പ്രമിത പി.

ഒമ്പത് ഇ

ജി.എച്ച്.എസ്.എസ്. കിഴക്കഞ്ചേരി

പാലക്കാട്

**************************************************************

പാലക്കാട് കിഴക്കഞ്ചേരി ഗവ. ഹൈസ്ക്കൂളിലെ ഒമ്പതാംക്ലാസ്സ് വിദ്യാര്‍ത്ഥി ഫ്ലറീഷ് വരച്ച ചിത്രം

****************************************************************
എന്റെ കുടുംബം - ഒരു പീരിയോഡിക് ടേബിളില്‍ (കവിത)