എട്ടാംക്ലാസ്സ് മുന്‍വര്‍ഷചോദ്യങ്ങള്‍
SSLC QUESTION POOL 2017 By SCERT CLICH HERE.......... SSLC QUESTION POOL 2017 By SCERT CLICH HERE............. SSLC QUESTION POOL 2017 By SCERT CLICH HERE..........

Jul 31, 2010

നമ്പ്യാരുടെ പരിഹാസം

കഴിഞ്ഞ ആഴ്ച നാം നമ്പ്യാരുടെ ഭാഷാ രീതിയെക്കുറിച്ച് ചര്‍ച്ച ചെയ്തല്ലോ. ഇന്ന് നമുക്ക് അദ്ദേഹത്തിന്റെ പരിഹാസ ചിത്രീകരണം എങ്ങനെയായിരുന്നു എന്ന് വീക്ഷിക്കാം. കുഞ്ചന്‍ നമ്പ്യാര്‍ തന്റെ തുള്ളലിലൂടെ ലക്ഷ്യമാക്കിയത്‌ തന്നെ സാമൂഹിക വിമര്‍ശനമായിരുന്നല്ലോ. എന്നാല്‍ അതിനു അദ്ദേഹം സ്വീകരിച്ച രസം പരിഹാസമായിരുന്നു. പലപ്പോഴും ഈ പരിഹാസ പ്രയോഗങ്ങള്‍ വിജയം കണ്ട കഥ നാം ധാരാളം കേട്ടിരിക്കുന്നു. ചുവടെ നല്‍കിയിരിക്കുന്ന ലേഖനം വായിച്ചു നോക്കി നമ്പ്യാരുടെ പരിഹാസ പ്രയോഗ രീതിയെ കൂടുതല്‍ മനസിലാക്കുമല്ലോ? കൂടാതെ കഴിഞ്ഞ രണ്ടു ശനിയാഴ്ചകളിലായി നമ്പ്യാരെ കുറിച്ചു നല്‍കിയ കാര്യങ്ങള്‍ നിങ്ങള്‍ക്ക് ഏറെ പ്രയോജനപ്പെട്ടു എന്ന് കരുതുന്നു.
      schoolvidyarangam

Jul 29, 2010

രാമായണമാസം മലയാളികളുടെ പുണ്യകാലം


മറ്റൊരു കര്‍ക്കടകം കൂടി വന്നുചേര്‍ന്നിരിക്കുന്നു. കാര്‍ഷികകേരളം കള്ളക്കര്‍ക്കടകമെന്നും പഞ്ഞക്കര്‍ക്കടകമെന്നും ഇരട്ടപ്പേരിട്ടുവിളിച്ചിരുന്ന കര്‍ക്കടകം. ഓണത്തിന്റെ, ഓണത്തെക്കുറിച്ചുള്ള സ്വപ്നങ്ങളുടെ മാറ്റുകൂട്ടുന്ന നനഞ്ഞൊലിച്ചകര്‍ക്കടകം. ചേന കട്ടിട്ടും തിന്നാന്‍ പ്രേരിപ്പിക്കുന്ന കര്‍ക്കടകം.
കര്‍ക്കടകം മലയാളിയെ സംബന്ധിച്ചിടത്തോളം പുണ്യകാലംകൂടിയാണ്. നൂറ്റാണ്ടുകള്‍ക്കുമുമ്പ് വേരറ്റുപോകാമായിരുന്ന ഒരു സംസ്കാരത്തേയും ഭാഷയേയും തന്റെ കാവ്യങ്ങളിലുടെ അനശ്വരമാക്കിയ ഒരു മഹാനുഭാവന്റെ പുണ്യസ്മൃതികളുണര്‍ത്തുന്ന പുണ്യകാലം. തുഞ്ചത്ത് രാമാനുജന്‍ എഴുത്തച്ഛന്‍ എന്ന ആ യുഗപ്രഭാവനോട് ഓരോ മലയാളിക്കുമുള്ള കടപ്പാട് നന്ദിയോടെ, ആദരവോടെ പ്രകടിപ്പിക്കാനുള്ള അവസരം. കാവ്യലോകത്തും സാംസ്കാരികരംഗത്തും സാമൂഹ്യവ്യവസ്ഥിതിയിലും നിലനിന്നിരുന്ന അസാന്മാര്‍‌ഗ്ഗികതകള്‍ക്കെതിരെ കവിതയിലൂടെ പോരാടി വിജയം നേടിയ പുണ്യപുരാണ വിജയഗാഥയാണ് എഴുത്തച്ഛന്റെ ജീവിതം.
നാം കേരളപ്പിറവിദിനത്തോടനുബന്ധിച്ച് നവംബര്‍ ഒന്നുമുതല്‍ ഒരാഴ്ചക്കാലം മാതൃഭാഷാവാരമായി ഔദ്യോഗികമായി ആചരിക്കാറുണ്ട്. എങ്കിലും ആത്മാവില്‍ തട്ടിയുള്ള മാതൃഭാഷാവന്ദനം നടക്കുന്നത് കര്‍ക്കടകത്തിലാണ്. ആര്യസംസ്കൃതത്തിന്റെയും ആഢ്യത്തമിഴിന്റെയും മുന്നില്‍ ഓച്ഛാനിച്ചുനിന്നിരുന്ന മലയാളത്തെ ഉറച്ച നട്ടെല്ലോടെ നിവര്‍ന്നു നില്‍ക്കാന്‍ ശീലിപ്പിച്ച തുഞ്ചത്താചാര്യന്റെ സ്മൃതികള്‍ ഈ ഒരു മാസമത്രയും മലയാളികളുടെ മനസ്സില്‍ രാമായണപാരായണത്തിലൂടെ നിറഞ്ഞുനില്‍ക്കുന്നു.
കിളിപ്പാട്ടായിമാറിയ അദ്ധ്യാത്മരാമായണത്തിലൂടെ കടന്നുപോകുന്ന ഓരോ കേരളീയ ഗൃഹവും അറിഞ്ഞോ അറിയാതെയോ തങ്ങളുടെ കുലസംരക്ഷകനായ ആ മഹാനുഭാവനുള്ള തിലോദകമാണ് അര്‍പ്പിക്കുന്നത്.
ഇത്തരുണത്തില്‍ തുഞ്ചത്താചാര്യനേയും അദ്ദേഹത്തിന്റെ കൃതികളില്‍ മുഖ്യമായ അദ്ധ്യാത്മരാമായണം കിളിപ്പാട്ടിനെയും അടുത്തറിയാനുള്ള, മലയാളികള്‍ക്കു നഷ്ടമായിക്കൊണ്ടിരിക്കുന്ന ആ കുലപൈതൃകത്തെ തിരിച്ചറിയാനുള്ള ഒരു പ്രവര്‍ത്തനമാണ് ഇവിടെ അവതരിപ്പിക്കുന്നത്.
രാമായണത്തിലെ ചിലവസ്തുതകള്‍ കണ്ടെത്താനുള്ള ഒരു ചോദ്യാവലി ഇവിടെ നല്‍കുന്നു. ഈചോദ്യാവലി പ്രിന്റ് എടുത്ത് മത്സരത്തില്‍ പങ്കെടുക്കാന്‍ താല്പര്യമുള്ള കുട്ടികള്‍ക്ക് നല്‍കാം. അവര്‍ രാമായണം വായിച്ച് ഉത്തരം കണ്ടെത്തിക്കൊണ്ടുവരട്ടെ അവര്‍ മറ്റാരെയെങ്കിലും ആശ്രയിച്ച് ഉത്തരം കണ്ടെത്തിയാലും നല്ലതാണ്. അവരുംകൂടി പരോക്ഷമായി ഈ തുഞ്ചന്‍സ്മൃതിയില്‍ പങ്കാളികളാവുകയാണല്ലോ ചെയ്യുന്നത്.
ബ്ലോഗുവായനക്കാര്‍ക്കും ഈ മത്സരത്തില്‍ പങ്കാളികളാകാം. ഉത്തരങ്ങള്‍ കമന്റുകളായി പേരുംമേല്‍വിലാസവും ഉള്‍പ്പെടുത്തി അയച്ചാല്‍ മതി. ഏവരുടേയും സഹകരണം പ്രതീക്ഷിക്കുന്നു....................

Jul 26, 2010

ഒരു ചെറുപുഞ്ചിരി (ചലച്ചിത്ര ആസ്വാദനം)


ആഹ്ലാദകരമായ ഒരു വാര്‍ദ്ധക്യം! ആധുനികമലയാളിക്ക് ഒരു സ്വപ്നം മാത്രമല്ലേ? ഏതെങ്കിലും ഒരു മലയാളി വൃദ്ധന്‍ ഇന്ന് സംതൃപ്തജീവിതം നയിക്കുന്നുണ്ടാകുമോ?ഇക്കാര്യത്തില്‍ സാമ്പത്തിക സാമൂഹ്യ ഘടകങ്ങള്‍ ഒരു സ്വാധീനശക്തിയാണോ? വാര്‍ദ്ധക്യത്തിലേയ്ക്കടുക്കുന്ന ഏതൊരു മലയാളിയെയും ചോദ്യങ്ങള്‍ അലട്ടുന്നുണ്ട്.
വാര്‍ദ്ധക്യത്തെ ആഹ്ലാദകരമായ അനുഭവമാക്കുന്ന നിരവധി വിദേശീയരെ നമുക്കുമാണാനാകും. ജോലിയുടെയും കുടുംബത്തിന്റെയും ഉത്തരവാദിത്വങ്ങളില്‍ നിന്ന് ഒഴിഞ്ഞ് ജീവിത സായാഹ്നങ്ങളെ ആനന്ദകരമാക്കാന്‍ പുറപ്പെടുന്ന വിദേശവിനോദസഞ്ചാരികളെ നമ്മള്‍ കണ്ടിട്ടുണ്ട്. എന്നാല്‍ മലയാളിക്ക് അങ്ങനെയൊരു ശീലമുണ്ടോ? അവര്‍ക്കെങ്ങനെ സന്തോഷകരമായ ഒരു ജീവിതം നയിക്കാനാകും? ചോദ്യത്തിന് വ്യത്യസ്ഥമായ ഒരു ഉത്തരം നല്‍കാനാണ് "ഒരു ചെറുപുഞ്ചിരി" എന്ന സിനിമയിലൂടെ എം. ടി. ശ്രമിക്കുന്നത്. പ്രസിദ്ധ കന്നട സാഹിത്യകാരനായ ശ്രീരമണയുടെ 'മിഥുനം' എന്ന കഥയാണ് ചലച്ചിത്രത്തിനാധാരം.
വൃദ്ധ ദമ്പതിമാരായ കുറുപ്പും അമ്മാളുവും തനിച്ച് ഒരു ഗ്രാമത്തില്‍ താമസിക്കുന്നു. മക്കളെല്ലാം ദൂരസ്ഥലങ്ങളില്‍ ജോലിക്കും വിവാഹം കഴിച്ചും പോയിരിക്കുന്നു. കൃഷിയെ സ്നേഹിക്കുന്ന കുറുപ്പും അയാളെ എല്ലാവിധത്തിലും പിന്‍തുണയ്ക്കുന്ന അമ്മാളുവും കൂടിയുള്ള വാര്‍ദ്ധക്യകാലജീവിതവും അവരുടെ സൗന്ദര്യപ്പിണക്കങ്ങളും പറയാതെ പറയുന്ന സ്നേഹവുമെല്ലാംകൂടിയതാണ് സിനിമ.
ഒറ്റനോട്ടത്തില്‍ മുരടനെന്നു തോന്നിക്കുന്ന കുറുപ്പില്‍ ദയയുടെ കടലിരമ്പുന്നുണ്ടെന്ന് സിനിമ പലപ്പോഴും നമ്മെ ബോധ്യപ്പെടുത്തുന്നുണ്ട്.

Jul 24, 2010

നമ്പ്യാരുടെ ഭാഷാരീതി


സാധാരണക്കാര്‍ക്കുവേണ്ടി കവിതയും കലാരൂപവും സൃഷ്ടിച്ച നമ്പ്യാരുടെ ഭാഷയും അതിനനുയോജ്യമായിരുന്നു. അന്നു നിലവിലുണ്ടായിരുന്ന കൂത്ത്, കൂടിയാട്ടം, കഥകളി എന്നിങ്ങനെയുള്ള ദൃശ്യകലകളിലെല്ലാം 'സംസ്കൃതക്കടുകവി'യുടെ വിളയാട്ടമാണ് നിലനിന്നിരുന്നത്. അതുകൊണ്ടുതന്നെ അവ സംസ്കൃതാനഭിജ്ഞന്മാരായ മഹാഭൂരിപക്ഷത്തേയും ആസ്വാദനത്തില്‍നിന്ന് അകറ്റിനിര്‍ത്തിയിരുന്നു. മാത്രവുമല്ല ക്ഷേത്രമതില്‍ക്കകങ്ങളിലും പ്രഭുഗേഹങ്ങളിലുമാണ് ഇത്തരം കലാരൂപങ്ങള്‍ അരങ്ങേറിയിരുന്നത്. അവിടെയും സാധാരണക്കാര്‍ക്ക് പ്രവേശനമുണ്ടായിരുന്നില്ല. ഭാഷാരീതികൊണ്ടും സാമൂഹ്യഘടനകൊണ്ടും ജനസാമാന്യത്തിന് അപ്രാപ്യമായിരുന്നു പതിനെട്ടാം നൂറ്റാണ്ടില്‍ കലാരംഗം എന്നുസാരം. സന്ദര്‍ഭത്തിലാണ് സാധാരണക്കാരന്റെ ഭാഷയില്‍ അവര്‍ക്ക് പ്രാപ്യമായ സ്ഥലത്ത് ഒരുകലാരൂപവുമായി നമ്പ്യാര്‍ അവതരിച്ചത്. കാലഘട്ടത്തിന്റെ പ്രത്യേകതവച്ചുനോക്കുമ്പോള്‍ അതൊരു വിപ്ലവം തന്നെയായിരുന്നു. ഭാഷാരീതിയിലേയ്ക്കുള്ള ഒരു എത്തിനോട്ടമാണിവിടെ നടത്തുന്നത്. ആദ്യഭാഗത്തെ സഹര്‍ഷം സ്വാഗതം ചെയ്ത മാന്യവായനക്കാര്‍ക്കായി രണ്ടാം ഭാഗവും സമര്‍പ്പിക്കുന്നു.
schoolvidyarangam.blogspot.com

Jul 23, 2010

വാര്‍ഷികാസൂത്രണം 2010-2011

2010 - 2011 അധ്യയന വര്‍ഷത്തെ ഇയര്‍ പ്ലാന്‍ പ്രസിദ്ധീകരിച്ചു. എല്ലാ വിഷയങ്ങളുടെയും വിശദമായ വാര്‍ഷികാസൂത്രണം ക്ലാസ് തിരിച്ച് ചുവടെ നല്‍കിയിരിക്കുന്നു.

ഉര്‍വരതയുടെ സംഗീതം

എട്ടാം ക്ലാസ്സിലെ ഒന്നാം യൂണിറ്റ് നാം പഠിപ്പിച്ചു കഴിഞ്ഞെങ്കിലും ഒന്ന് പുറകോട്ടു ചിന്തിച്ചു നോക്കൂ. ഏതെങ്കിലും പ്രവര്‍ത്തനങ്ങള്‍ അറിയാതെങ്ങാനും വിട്ടു പോയോ. ഒന്ന് കൂടി ഇത്തരത്തില്‍ തിരിഞ്ഞു നോക്കാന്‍ എട്ടാം ക്ലാസ്സിലെ ആദ്യ യൂണിറ്റിന്റെ ഈ സമഗ്രാസൂത്രണം നിങ്ങള്‍ക്ക് സഹായകമാകുമെന്ന്‍ ഞങ്ങള്‍ പ്രതീക്ഷിക്കുന്നു. ഒന്നാം യൂണിറ്റിനു സഹായകമായ വീഡിയോകള്‍ നേരത്തെ പോസ്റ്റ്‌ ചെയ്തത് ഏവരും കണ്ടുകാണുമല്ലോ. പഴയ പോസ്റ്റുകള്‍ കാണാന്‍ പ്രധാന താളിന്റെ ഏറ്റവും ഒടുവില്‍ കാണുന്ന OLD POST എന്നതില്‍ ക്ലിക്ക് ചെയ്യുക. കൂടാതെ, രണ്ടാം യൂണിറ്റിന്റെ സമഗ്രാസൂത്രണം ഞങ്ങള്‍ ബുധനാഴ്ച പോസ്റ്റ്‌ ചെയ്യുന്നതായിരിക്കും. തുടര്‍ന്നും ഏവരുടെയും അഭിപ്രായങ്ങള്‍ പ്രതീക്ഷിക്കുന്നു.

schoolvidyarangam.blogspot.com

Jul 21, 2010

കവിതാ ലോകം


പത്താം തരത്തിലെ മൂന്നാം യൂണിറ്റില്‍ നാം പ്രവേശിച്ചു കാണുമല്ലോ. ഇവിടെ മലയാള കവിതയുടെ വളര്‍ച്ചയുടെ വേറിട്ട മുഖം നാം കാണുന്നു. കാച്ചിക്കുറുക്കിയ കവിയും മിസ്റ്റിക് കവിയും ശക്തിയുടെ കവിയും കവിതയ്ക്ക് പുതിയ മാറ്റങ്ങള്‍ വരുത്തുന്നത് കാണാന്‍ സാധിക്കുന്നു. ഈ കവികളെക്കുറിച്ചും അവരുടെ കവിതകളെ കുറിച്ചും ധാരാളം പഠനങ്ങള്‍ ഇന്ന് ലഭ്യമാണ്. ഇതോടൊപ്പം കുട്ടികളിലേക്ക് നാം പകര്‍ന്നു നല്‍കേണ്ട മറ്റു ചില പഠനാംശങ്ങള്‍  കൂടി ഇവിടെ പരിചയപ്പെടാന്‍ ശ്രമിക്കാം. പത്താം തരം മൂന്നാം യൂണിറ്റിന്റെ സമഗ്രാസൂത്രണവും ദൈനം ദിനാസൂത്രണവും ചുവടെ നല്‍കിയിരിക്കുന്നു. അവ വായിച്ചു നോക്കി വേണ്ട നിര്‍ദേശങ്ങള്‍ കമന്റ്സായി ഞങ്ങളെ അറിയിക്കുമെന്ന്പ്രതീക്ഷിക്കുന്നു.

Jul 19, 2010

പത്താംതരം രണ്ടാം പേപ്പര്‍ ദൈനംദിനാസൂത്രണം

പത്താം തരത്തിലെ മലയാളം രണ്ടാം പേപ്പറിന്റെ പ്രവര്‍ത്തന രൂപരേഖയാണിത്.പാത്തുമ്മായുടെ ആട് എന്ന നോവല്‍ മലയാള സാഹിത്യത്തിലെ വേറിട്ട്‌ നില്‍ക്കുന്ന ഒരു രചനയാണ്. അതുപോലെ തന്നെ ഉപ പാഠപുസ്തകം എന്ന നിലയില്‍ ധാരാളം വ്യവഹാര രൂപങ്ങള്‍ക്ക് ഈ നോവല്‍ സാധ്യത നല്‍കുന്നുമുണ്ട്.ഇത്തരത്തില്‍ ഏതാനും ചില വ്യവഹാരരൂപങ്ങള്‍ രചിക്കാനുള്ള പ്രവര്‍ത്തനങ്ങള്‍‌ പാത്തുമ്മയുടെ ആടുമായി ബന്ധിപ്പിച്ചുകൊണ്ട് ആസൂത്രണം ചെയ്തിരിക്കുന്നു. ബഷീറിനെക്കുറിച്ചുള്ള ചില വിവരങ്ങളുമുണ്ട്

schoolvidyarangam.blogspot.com

Jul 17, 2010

കുഞ്ചനും മലയാളകവിതയും

                     
                      പ്രാചീനകവിത്രയത്തിലെ ഏറ്റവും ജനകീയനായ കവിയാണല്ലോ കുഞ്ചന്‍ നമ്പ്യാര്‍. അദ്ദേഹത്തിന്റെ കാവ്യങ്ങള്‍ ദേശകാലാതിവര്‍ത്തിയായി ഇന്നും നിലകൊള്ളുന്നു. ആ മഹാനുഭാവന്‍ സമൂഹത്തില്‍നിന്ന് കവിതയിലൂ‍ടെ ഉന്മൂലനം ചെയ്യാന്‍ ശ്രമിച്ച ദുഷ് പ്രവണതകള്‍ ഇന്ന് വര്‍ദ്ധിച്ചുവരികയാണ്. ഇക്കാര്യം പരിഗണിച്ചാവാം എല്ലാ ക്ലാസ്സുകളിലേയും മലയാളം പാഠാവലിയില്‍ നമ്പ്യാര്‍ക്കവിത ഉള്‍പ്പെടുത്തിയിരിക്കുന്നത്.
ഈ സാഹചര്യത്തില്‍ പാഠ്യപദ്ധതി വിനിമയത്തിലെ മുഖ്യകണ്ണികള്‍ എന്ന നിലയില്‍ അദ്ധ്യാപകര്‍ കുഞ്ചനെ അടുത്തറിയേണ്ടതുണ്ട്. ഇതിനായി ഒരു പുതിയ പോസ്റ്റ് എല്ലാ ശനിയാഴ്ചയും ആരംഭിക്കുകയാണ്. തുള്ളല്‍ പ്രസ്ഥാനം, നമ്പ്യാരുടെ ഭാഷാരീതി, ഫലിതം, പരിഹാസം, കേരളീയത, ഇവ വിശദമായി പരിചയപ്പെടുത്തുന്നതിനുള്ള ഒരു ശ്രമമാണിവിടെ നടത്തുന്നത്. ആദ്യമായി നമ്പ്യാര്‍ക്കവിതയ്ക്ക് ഒരു ആമുഖമാണ് പോസ്റ്റുചെയ്യുന്നത്. എല്ലാ അദ്ധ്യാപകസുഹൃത്തുക്കളും ഇത് വേണ്ടവിധം പ്രയോജനപ്പെടുത്തുമെന്ന് കരുതുന്നു. അഭിപ്രായങ്ങള്‍ അറിയിക്കാന്‍ മറക്കരുതേ...

www.schoolvidyarangam.blogspot.com

Jul 16, 2010

തുടികൊട്ടും ചിലമ്പൊലിയും

മലയാളികള്‍ മാതൃത്ത്വത്തിന്റെ മഹത്വം തൊട്ടറിഞ്ഞ പൂതപ്പാട്ട് പ്രൈമറിക്ലാസ്സുകള്‍ മുതല്‍ പോസ്റ്റുഗ്രാജുവേഷന്‍ വരെയുള്ള പാഠ്യപദ്ധതിയില്‍ നിറഞ്ഞുനില്‍ക്കുകയാണ്. ക്ലാസ്സില്‍ പോകുന്നതിനുമുമ്പ് പൂതപ്പാട്ട് ഒരിക്കല്‍ക്കൂടി ഒന്നു വായിക്കണമെന്ന് പലര്‍ക്കും പലപ്പോഴും തോന്നിയിട്ടുണ്ടാവുമല്ലോ. എന്നാല്‍ പുസ്തകം തപ്പിയെടുക്കാനുള്ള മടികാരണം ആ ആശ മനസ്സിലിട്ടുകൊണ്ട് നാം ക്ലാസ്സിലേയ്ക്കുപോകുന്നു.
കുട്ടികള്‍ക്കും ഈ കവിത പൂര്‍ണ്ണമായി ഒന്നുകാണാനോ വായിക്കാനോ ഉള്ള അവസരം ലഭിക്കുന്നില്ല. കവിതയുടെ രൂപശില്പവും ഇടയ്ക്കിടയ്ക്കുള്ള കവിയുടെ വിവരണവും അടുത്തറിയാന്‍ ഈ കവിത പൂര്‍ണ്ണമായും വായിക്കുകതന്നെ വേണം. അതിനുള്ള അവസരം ഒരുക്കുകയാണ് ഇവിടെ...........പ്രയോജനപ്പെടുത്തുമല്ലോ.
schoolvidyarangam.blogspot.com

Jul 15, 2010

അന്നവിചാരം മുന്ന വിചാരം

ഒമ്പതാം തരത്തിലെ എ.റ്റി.യുടെ ആദ്യയൂണിറ്റിന്റെ ആസൂത്രണങ്ങള്‍ പ്രസിദ്ധീകരിച്ചിരുന്നല്ലോ. അവ ധാരാളം അദ്ധ്യാപകര്‍ക്ക് ഉപകാരപ്രദമായി എന്നറിയുന്നതില്‍ ഞങ്ങള്‍ക്ക് സന്തോ‍ഷമുണ്ട്. എങ്കിലും പോസ്റ്റുകള്‍ സ്വീകരിച്ചതിനുശേഷം ഒരു കമന്റ് അയയ്ക്കാന്‍ കാണിക്കുന്ന മടി.... അത് ഞങ്ങളെ തെല്ലൊന്നുമല്ല നിരാശപ്പെടുത്തുന്നത്.
ആ നിരാശയെ മറന്നുകൊണ്ട് ഒമ്പതാം തരത്തിലെ ബി.റ്റി.യുടെ ആദ്യയൂണിറ്റിന്റെ യൂണിറ്റ്സമഗ്രാസൂത്രണം പ്രസിദ്ധീകരിക്കുകയാണ്. ഈ യൂണിറ്റിന്റെ ദൈനംദിനാസൂത്രണം ഉടന്‍ തന്നെ ഞങ്ങള്‍ പോസ്റ്റുചെയ്യുന്നതാണ്.
ഈ യൂണിറ്റുമായി ബന്ധപെട്ട് കുട്ടികളെ കാണിക്കേണ്ട ഒരു വീഡിയോയും 'അന്നം' എന്ന കവിത കവി ആലപിക്കുന്നതും മുന്‍ പോസ്റ്റുകളായി നല്‍കിയത് കണ്ടിരിക്കുമല്ലോ. 
                                                                           schoolvidyarangam.blogspot.com

Jul 14, 2010

രാവണദയയിലെ രാമവിജയം ( ചലച്ചിത്ര ആസ്വാദനം)


പുരാണകഥയിലെ രാമന്‍ ധീരനും സത്യസന്ധനും ദൈവാവതാരവുമാണങ്കില്‍ മണിരത്നത്തിന്റെ ദൃശ്യഭാഷയായ ആധുനിക 'രാവണ'നില്‍ രാവണകൃപയാല്‍ മാത്രം ജീവന്‍ രക്ഷിക്കുന്ന രാമന്‍ തീര്‍ത്തും സഹതാപാര്‍ഹനാകുന്നു. അതുകൊണ്ടുതന്നെ രാമായണകഥയുടെ ആധുനിക ഭാഷ്യം കൗതുകമുളവാക്കുന്നു.
രാമന്‍, രാവണന്‍, കുംഭകര്‍ണ്ണന്‍, വിഭീഷണന്‍, സീത തുടങ്ങി പുരാണരാമായണത്തിലെ പ്രധാനികളെല്ലാം ഈ സിനിമയിലുണ്ട്. വിവാഹനാളില്‍ത്തന്നെ മാനഭംഗത്തിനിരയാകേണ്ടിവന്ന സഹോദരിയുടെ ആത്മഹത്യകൂടി കാണേണ്ടിവന്ന വീരയാണ് രാവണന്‍. എന്‍കൗണ്ടര്‍ വിദഗ്ദ്ധനായ എസ്.പി.യുടെ ഭാര്യയെ അയാള്‍ ബന്ദിയാക്കുന്നു. ധീരത(?) പ്രകടിപ്പിക്കുന്ന അവരെ വധിക്കുവാന്‍ വീരയ്ക്കാവുന്നില്ല. ഗ്രാമവാസികളുടെ ആരാധനാപാത്രമായ വീരയുടെ ഒരോ കുറ്റകൃത്യത്തിന്റെയും പിന്നിലെ കഥയറിയുമ്പോള്‍ എസ്.പി.യുടെ ഭാര്യയ്ക്ക് വീരയോടുള്ള വെറുപ്പ് ഇല്ലാതെയാകുന്നു. ഒടുവില്‍ തന്നെ വീണ്ടെടുക്കുമ്പോഴും ചാരിത്ര്യശുദ്ധിയില്‍ സംശയിക്കുമ്പോഴും വീരയോടുള്ള സ്നേഹം മറ്റൊരു തലത്തിലെത്തുന്നു. എസ്.പി.യുടെ തോക്കിന്‍ കുഴലില്‍നിന്ന് രക്ഷപെടുത്താന്‍ ഭാര്യ ശ്രമിക്കുമ്പോള്‍ ആത്മസംതൃപ്തിയോടുകൂടിയ മരണമാണ് വീര വരിക്കുന്നത്.

Jul 13, 2010

നേരായിത്തീര്‍ന്ന കിനാവുകള്‍


ബഷീറിനെ കാണാന്‍ അവര്‍ എത്തി.വര്‍ഷങ്ങള്‍ നീണ്ട കാത്തിരിപ്പിന് ശേഷം ബഷീറിനെ കണ്ട സന്തോഷത്തിലായിരുന്നു അവരെല്ലാം. എത്തിയത് മറ്റാരുമല്ല, പാത്തുമ്മായും ആടും ഒറ്റക്കണ്ണന്‍ പോക്കറും എട്ടുകാലി മമ്മൂഞ്ഞും സൈനബയും സുഹറയും മജീദും എല്ലാം.തങ്ങളെ പടച്ചുവിട്ട തൂലിക ഏന്തിയ ആ കൈകളില്‍ അവര്‍ മുത്തമിട്ടു.ഇനിയും കാണാമെന്ന പ്രതീക്ഷയോടെ അവര്‍ യാത്ര പറഞ്ഞു.
ഈ രംഗം അരങ്ങേറിയത് മറ്റെങ്ങുമല്ല. തൃശ്ശൂര്‍ ജില്ലയിലെ പറപ്പൂര്‍ സെന്റ്‌.ജോണ്‍സ് സ്കൂളില്‍. സന്ദര്‍ഭം 'ബഷീര്‍ അനുസ്മരണം'. കേരളത്തിലെ എല്ലാ വിദ്യാലയങ്ങളിലും ബഷീര്‍ അനുസ്മരണം വേറിട്ട പ്രവര്‍ത്തനങ്ങളിലൂടെ കഴിഞ്ഞ വാരത്തില്‍ നടത്തുകയുണ്ടായി. അക്കൂട്ടത്തില്‍ ശ്രദ്ധേയമായ ഒരു പ്രവര്‍ത്തനമായി സെന്റ്‌.ജോണ്‍സ് സ്കൂളിലെ ബഷീര്‍ അനുസ്മരണത്തെ നമുക്ക് കാണാന്‍ കഴിയും. ഇത്തരം കാര്യങ്ങള്‍ സാഹിത്യകാരനെ മാത്രമല്ല, ആ സാഹിത്യകാരന്റെ തൂലികയില്‍ നിന്നും പിറവിയെടുത്ത കഥാപാത്രങ്ങളെ കൂടി മനസിലാക്കാന്‍ കുട്ടികള്‍ക്ക് സാധിക്കുന്നു.
നിങ്ങള്‍ ഓരോരുത്തരും തങ്ങളുടെ സ്കൂളില്‍ നടത്തുന്ന ഇത്തരം വേറിട്ട പ്രവര്‍ത്തനങ്ങള്‍ ഞങ്ങള്‍ക്ക് അയച്ചു തന്നാല്‍ അവ ഞങ്ങള്‍ ബ്ലോഗിലൂടെ പ്രസിദ്ധീകരിക്കുന്നതായിരിക്കും.കേരളത്തിലെ മുഴുവന്‍ അധ്യാപകര്‍ക്കും ഇവ ഒരു പ്രചോദനമാകുമെന്നും ഞങ്ങള്‍ വിശ്വസിക്കുന്നു.
ചിത്രങ്ങള്‍ : 1 2 3
schoolvidyarangam.blogspot.com

Jul 10, 2010

പത്താം തരം രണ്ടാം യൂണിറ്റ്


രണ്ടാം യൂണിറ്റില്‍ സഹായകമായ ഹിമാലയന്‍ യാത്രയുടെ വീഡിയോ പഴയ പോസ്റ്റില്‍ ഞങ്ങള്‍ പ്രസിദ്ധീകരിച്ചത് ഏവരും കുട്ടികളെ കാണിച്ചു കാണുമല്ലോ ? ഇത് കൂടാതെ മറ്റ് പ്രവര്‍ത്തനങ്ങള്‍ എന്തെല്ലാം ഈ യൂണിറ്റില്‍ നല്‍കാന്‍ സാധിക്കും എന്ന ചിന്തയില്‍ ഞങ്ങള്‍ക്ക് മനസിലാക്കാന്‍ സാധിച്ച പ്രവര്‍ത്തന ക്രമം ഇവിടെ നല്‍കുന്നു. ഇതോടൊപ്പം ചേര്‍ക്കാവുന്ന പ്രവര്‍ത്തനങ്ങള്‍ നിങ്ങളുടെ ഭാഗത്ത് നിന്നും പ്രതീക്ഷിക്കുന്നു. ഓരോ യൂണിറ്റിലും സഹായകമാകുന്ന വീഡിയോകള്‍, ചിത്രങ്ങള്‍, ഓഡിയോ എന്നിവയെ കുറിച്ച് ഏകദേശ ധാരണ ഞങ്ങളുമായി പങ്കുവച്ചാല്‍ അവ ഈ ബ്ലോഗിലൂടെ എല്ലവര്‍ക്കും എത്തിക്കാന്‍ ഞങ്ങള്‍ ശ്രമിക്കും.
schoolvidyarangam.blogspot.com

Jul 9, 2010

സ്പാര്‍ക്ക് ഓപ്പറേറ്റിംഗ് മാനുവല്‍



സര്‍വ്വീസ് കാര്യങ്ങള്‍ സുതാര്യവും കാര്യക്ഷമവുമാക്കുന്നതിനായി സര്‍ക്കാര്‍ ആവിഷ്കരിച്ചുനടപ്പാക്കുന്ന 'സ്പാര്‍ക്ക് ' ഉപയോക്താക്കള്‍ക്കായി ഒരു മാനുവല്‍ തയ്യാറാക്കി അവതരിപ്പിക്കുകയാണ്. 'സ്പാര്‍ക്ക് ' മെനുകളില്‍ കാലാകാലങ്ങളില്‍ ചെറിയ മാറ്റങ്ങള്‍ ഉണ്ടാകുന്നതുകൊണ്ട് ഈ 'സ്പാര്‍ക്ക് ഓപ്പറേറ്റിംഗ് മാനുവല്‍' പൂര്‍ണ്ണമാണ് എന്ന് അവകാശപ്പെടാനാവില്ല. എങ്കിലും 'സ്പാര്‍ക്ക് ' ഉപയോഗിച്ചുതുടങ്ങുന്നവര്‍ക്ക് ഈ മാനുവല്‍ തീര്‍ച്ചയായും സഹായകമാകും എന്നു കരുതുന്നു.
schoolvidyarangam.blogspot.com

Jul 7, 2010

പഠന പ്രവര്‍ത്തനങ്ങള്‍

പത്താം തരത്തിലെ ആദ്യയൂണിറ്റ് പൂര്‍ത്തിയായിക്കാണുമല്ലോ. ആ യൂണിറ്റിലെ ചിലപ്രവര്‍ത്തനങ്ങള്‍ ക്രോഡീകരിച്ച്സ്ലൈഡ് രൂപത്തില്‍ അവതരിപ്പിക്കുകയാണിവിടെ. ഓര്‍മ്മക്കുറിപ്പ് (2), പത്രവാര്‍ത്ത, കുറിപ്പ്, പ്രസംഗം, വിശകലനക്കുറിപ്പ്, പ്രബന്ധം(2) എന്നിങ്ങനെ എട്ട് പ്രവര്‍ത്തനങ്ങളാണ് ഉള്‍പ്പെടുത്തിയിട്ടുള്ളത്. നമ്പ്യാരുടെയുംഎഴുത്തച്ഛന്റെയും ചില വിവരങ്ങള്‍ അവസാന സ്ലൈഡുകളില്‍ ചേര്‍ത്തിട്ടുണ്ട്. പ്രവര്‍ത്തനങ്ങള്‍ ചെയ്യുന്നതിന്ഉചിതമായവ തെരഞ്ഞെടുത്ത് കുട്ടികളെ കാണിക്കുമല്ലോ! ഈപ്രവര്‍ത്തങ്ങള്‍ ക്ലാസ്സിലോ വീട്ടിലോ വച്ച് കുട്ടികള്‍ചെയ്തുകഴിയുമ്പോള്‍ ഒന്നാംയൂണിറ്റിന്റെ ഫലപ്രാപ്തിയുണ്ടാകും എന്നുഞങ്ങള്‍ കരുതുന്നു. സ്ലൈഡുകള്‍ പി. ഡി. എഫ്. രൂപത്തിലാണ്. സ്ലൈഡുകള്‍ പി. ഡി. എഫ്. വ്യൂവറില്‍ തുറന്നുവരുമ്പോള്‍ 'വ്യൂ' മെനുവിലെ 'പ്രസന്റേഷന്‍' ക്ലിക്കുചെയ്താല്‍ സ്ലൈഡ് പ്രസന്റേഷന്‍ ആയി കാണാവുന്നതാണ്. കീബോര്‍ഡില്‍ 'F5' ബട്ടണ്‍ അമര്‍ത്തിയുംസ്ലൈഡ് പ്രസന്റേഷന്‍ ആയി കാണാവുന്നതാണ്. സ്ലൈഡ് പ്രസന്റേഷന്‍ അവസാനിപ്പിക്കുന്നതിന് കീബോര്‍ഡില്‍ 'Esc' കീ അമര്‍ത്തിയാല്‍ മതിയാകും. എല്ലാ മലയാളം അദ്ധ്യാപകരും ഈ സ്ലൈഡുകള്‍ പ്രൊജക്ടറിലൂടെ കാണിച്ച് ക്ലാസ്സെടുക്കുന്നത് ഞങ്ങള്‍ സ്വപ്നം കാണുന്നു. ഇതോടൊപ്പം ഉപമ അലങ്കാരത്തിന്റെയും ഒരു പ്രസന്റേഷന്‍ നല്‍കിയിരിക്കുന്നു .
വിജയാശംസകള്‍ നേരുന്നു.
www.schoolvidyarangam.blogspot.com

പതിനായിരവും കടന്ന്‍

പ്രിയരേ,
നമ്മുടെ ബ്ലോഗ് പതിനായിരം ഹിറ്റുകളില്‍ എത്തിനില്‍ക്കുകയാണല്ലോ. ഇത്തരം ഒരു സംരഭത്തെ സംബന്ധിച്ചിടത്തോളം ഈ വളര്‍ച്ച ഒരു ചെറിയകാര്യമല്ല. ഹൈസ്ക്കൂള്‍ ക്ലാസ്സുകളിലെ മലയാളഭാഷാദ്ധ്യാപനം കുറ്റമറ്റതും ആയാസരഹിതവും ഫലപ്രദവും ആകര്‍ഷകവുമാക്കുക എന്നുള്ളത് നമ്മുടെ പ്രഖ്യാപിത ലക്ഷ്യങ്ങളിലൊന്നാണ്. ഇതിനായി കേരളത്തിലെ മുഴുവന്‍ മലയാളം അദ്ധ്യാപകരുടെയും വിദ്യാര്‍ത്ഥികളുടെയും ആത്മാര്‍ത്ഥമായ സഹകരണം ആവശ്യമുണ്ട്. നിങ്ങള്‍ ആവശ്യപ്പെടുന്ന പഠന പാഠന സാമഗ്രികള്‍ ഈ ബ്ലോഗിലൂടെ ലഭ്യമാക്കാന്‍ ബ്ലോഗ് ടീം അംഗങ്ങള്‍ പ്രതി‍ജ്ഞാബദ്ധരാണ്. നിങ്ങളുടെ ആവശ്യങ്ങള്‍ കമന്റ് രൂപത്തിലോ vidyaramgam@gmail.com എന്ന ഇ-മെയില്‍ വിലാസത്തില്‍ ഇ-മെയിലായോ അയയ്ക്കാവുന്നതാണ്. ബ്ലോഗിലുടെ പങ്കുവയ്ക്കാവുന്ന അഭിപ്രായങ്ങളും നിര്‍ദ്ദേശങ്ങളും ഞങ്ങളെ അറിയിക്കാന്‍ മടികാണിക്കരുത്. എല്ലാ പോസ്റ്റുകള്‍ക്കും ഞങ്ങള്‍ പരമാവധി കമന്റുകള്‍ പ്രതീക്ഷിക്കുന്നുണ്ട്. അവയാണ് ഞങ്ങളുടെ പ്രതീക്ഷയും പ്രചോദനവും.

www.schoolvidyarangam.blogspot.com

Jul 5, 2010

സമഗ്രാസൂത്രണം

പത്താം ക്ലാസ്സില്‍ ഒന്നാമത്തെ യൂണിറ്റില്‍ നാം പരിചയപ്പെടുന്നത് ചെറുശ്ശേരിയുടെയും കുഞ്ചന്‍ നമ്പ്യാരുടെയും കാവ്യ ഭാഗങ്ങളും എഴുത്തച്ഛനെക്കുറിച്ച് ഓ.എന്‍ .വി.എഴുതിയ ലേഖനവുമാണ്. ഈ മൂന്ന്‍ പാഠഭാഗങ്ങള്‍ ഉള്‍പ്പെടുത്തി തയ്യാറാക്കിയ സമഗ്രാസൂത്രണത്തിന്റെയും ദൈനംദിനാസൂത്രണത്തിന്റെയും ഒരു രൂപരേഖയാണ്.ഇവ ഒരു പക്ഷെ പൂര്‍ണമായിരിക്കില്ല. ഇത് വായിച്ചു നോക്കിയ ശേഷം ഇതിനെക്കുറിച്ചുള്ള നിങ്ങളുടെ അഭിപ്രായവും, ഇവിടെ വേണ്ട കൂട്ടിച്ചേര്‍ക്കലുകളും ഉടന്‍തന്നെ ഞങ്ങളെ അറിയിക്കുമെന്ന് വിശ്വസിക്കുന്നു.ഇത്തരം കൂട്ടിച്ചേര്‍ക്കലുകളിലൂടെയേ അസൂത്രണങ്ങള്‍ നമുക്ക് പൂര്‍ത്തീകരിക്കാന്‍ സാധിക്കൂ.



തയ്യാറാക്കിയത് : ശ്യാംലാല്‍ വി.എസ് (കൂത്താട്ടുകുളം)

ഭൂമിയുടെ അവകാശികള്‍

ഒന്‍പതാം തരം മലയാളം എ.റ്റി.യിലെ 'ഭൂമിയുടെ അവകാശികള്‍ വായിക്കുമ്പോള്‍' എന്ന പാഠം പരിചയപ്പെടുന്നതിനു മുന്‍പായി അധ്യാപകരും വിദ്യാര്‍ഥികളും ബഷീറിന്റെ 'ഭൂമിയുടെ അവകാശികള്‍' എന്ന കഥ വായിച്ചിരിക്കേണ്ടത് അത്യാവശ്യമാണ്. ഏവരുടെയും വായനയ്ക്കായി ആ കഥ ഇവിടെ പോസ്റ്റുചെയ്യുന്നു. പഴയ പത്താംതരം പാഠാവലിയില്‍ ഈ കഥ ഉണ്ടായിരുന്നു. ബഷീറിന്റെ ജീവചരിത്രക്കുറിപ്പ് ‌ 'സാഹിത്യനായകര്‍' എന്ന ലിങ്കില്‍ നേരത്തെതന്നെ പോസ്റ്റുചെയ്തിരുന്നത് ശ്രദ്ധിച്ചിരിക്കുമല്ലോ.

Jul 4, 2010

പുതിയ പഠന സാമഗ്രികള്‍

ഒന്‍പതാം ക്ലാസിന്റെ ആദ്യ യൂണിറ്റ് സന്തോഷത്തോടെ സ്വീകരിച്ച ബ്ലോഗിലെ വായനക്കാരില്‍ മിക്കവാറും ആളുകള്‍ ആവശ്യപ്പെട്ട ഒന്നാണ് മറ്റു ക്ലാസ്സുകളിലെ ആസൂത്രണങ്ങള്‍. ഇത്തരത്തില്‍ നിങ്ങളുടെ അഭിപ്രായങ്ങളെ മാനിച്ചുകൊണ്ട് പത്താം ക്ലാസ്സിന്റെ ആദ്യ യൂണിറ്റിന്റെ സമഗ്രാസൂത്രണവും ദൈനംദിനാസൂത്രണവും നാളെ പ്രസിദ്ധീകരിക്കുന്നു. കൂടാതെ പാഠഭാഗത്തിന് അനുയോജ്യമായ പല ഐ.ടി.പഠന സാമഗ്രികളും ഉടന്‍ പ്രതീക്ഷിക്കുക. ഇതിനായി മറക്കാതെ എന്നുംതന്നെ "സ്കൂള്‍വിദ്യാരംഗം" ബ്ലോഗ്‌ സന്ദര്‍ശിക്കുക.

Jul 3, 2010

ഉജ്ജ്വല മുഹൂര്‍ത്തം

ആദ്യ യൂണിറ്റിനു സഹായകമാകുന്ന ഉജ്ജ്വല മുഹൂര്‍ത്തം എന്ന കവിത ചുവടെ PDF രൂപത്തില്‍ നല്‍കിയിരിക്കുന്നു. ഈ കവിത കുട്ടികളെ പരിചയപ്പെടുത്താന്‍ എല്ലാ അധ്യാപകരും ശ്രദ്ധിക്കുമല്ലോ?

Jul 1, 2010

സ്ലൈഡ് പ്രസന്റേഷന്‍


മലയാളം അദ്ധ്യാപനം ഐ. സി. റ്റി. അധിഷ്ഠിതമാക്കണമെന്നും മലയാളം അദ്ധ്യാപകര്‍ ഐ. സി. റ്റി സാദ്ധ്യതകള്‍ പ്രയോജനപ്പെടുത്തുന്നതില്‍ മറ്റു വിഷയം പഠിപ്പിക്കുന്ന അദ്ധ്യാപകരേക്കാള്‍ പിന്നിലാകരുതെന്നും ഉള്ള ലക്ഷ്യത്തോടെ ഞങ്ങള്‍ ഒരു പുതിയ ചുവടുവയ്പ്പ് നടത്തുകയാണ്. മലയാളം ക്ലാസ്സുകള്‍ പ്രസന്റേഷന്‍ സ്ലൈഡുപയോഗിച്ച് രസകരവും ഫലപ്രദവുമാക്കാന്‍ കഴിയുമെന്നുള്ളകാര്യത്തില്‍ തര്‍ക്കമില്ല. ഇതിനായി ഒമ്പതാം ക്ലാസ്സിലെ ആദ്യയൂണിറ്റ് വിനിമയം ചെയ്യുന്നതിനാവശ്യമായ സ്ലൈഡുകള്‍ നിങ്ങളുടെ മുമ്പില്‍ സമര്‍പ്പിക്കുകയാണ്. അതോടൊപ്പം മുടിയേറ്റിനെക്കുറിച്ചുള്ള ഒരു പ്രസന്റേ‍ഷനും ഉണ്ട്.ഈ സ്ലൈഡുകള്‍ ഐ.ടി.@സ്കൂള്‍ ലിനക്സ് / ഉബണ്ടു - ല്‍ പ്രവര്‍ത്തിപ്പിക്കുക. ഇവ പരിശോധിച്ചും പ്രയോജനപ്പെടുത്തിയും കമന്റുകള്‍ അയച്ചും സഹകരിക്കുമല്ലോ?