പുതുവര്‍ഷം കവിത - വീഡിയോ

         എട്ടാം തരത്തിലെ പുതിയ അടിസ്ഥാനപാഠാവലി ഒന്നാം യൂണിറ്റിലെ ആദ്യപാഠമാണ് 'പുതുവര്‍ഷം'. വിജയലക്ഷ്മിയുടെ ഈ കവിത പ്രത്യാശയുടെ തിരിനാളം ആസ്വാദകമനസ്സുകളില്‍ തെളിയിക്കുന്നു. മനസ്സില്‍ കാത്തുസൂക്ഷിക്കുന്ന അമ്മ എന്ന നന്മയുടെ പ്രകാശം ജീവിതത്തെ മുന്നോട്ടുനയിക്കുന്നതായി കവയിത്രി അനുഭവിക്കുന്നു. ഈ കവിതയുടെ ആലാപനവും ദൃശ്യാവിഷ്കാരവുമായി നമുക്ക് പുതുവര്‍ഷത്തെ വരവേല്‍ക്കാം. ആലാപനം നിര്‍വ്വഹിച്ചിരിക്കുന്നത് ശ്രീ നാസിം പി. എ., ജി.എച്ച്.എസ്. കുമ്പളയാണ്. നിര്‍മ്മാണം ശ്രീ ജി. മണി, ജി.എച്ച്.എസ്.എസ്. ആര്യാട്, ആലപ്പുഴയും.