പുറക്കാഴ്ച
അതാ ആ കാണുന്ന വഴിയില്ലേ....ഒരുപെരു വഴി?
അതങ്ങ് നീണ്ടു നീണ്ടു പോകും
എന്ന്കരുതി നിങ്ങളാരും ആ വഴി പോകരുത് കേട്ടോ...
അവിടെ.....
പത്താള്‍ പിടിച്ചാല്‍ എത്താത്ത ഒരു വലിയ മരമുണ്ട്
ഒരു ഏഴിലം പാല മരം!
അതില്‍ ,കണ്ണ്തുറിച്ച് , നാക്കുനീട്ടി ,പല്ലിളിച്ച് ഒരു യക്ഷി വസിക്കുന്നുണ്ട്
രാവെന്നോ പകലെന്നോ ആണെന്നോ പെണ്ണെന്നോ അവള്‍ക്കില്ല
കാറ്റായും കല്ലായും അവള്‍ വരാം
പിന്നെ, പല്ലും നഖവും മുടിയും മാത്രം ബാക്കി
അതാണ്‌ പറഞ്ഞത് ആ വഴി പോകരുത് എന്ന്, മനസ്സിലായോ....?
അകക്കാഴ്ച
നിങ്ങളൊക്കെക്കൂടിയങ്ങു വന്നാല്‍പ്പിന്നെ
ഞങ്ങളുടെ കാര്യങ്ങളെങ്ങനെ നടക്കും?
കള്ളും കറുപ്പും കഞ്ചാവും കള്ളനോട്ടും കിളിപ്പെണ്ണുമടങ്ങിയ, ഞങ്ങടെ
കള്ളിവെളിച്ചത്താവില്ലേ...?
അനിതാശരത്
മലയാളം അദ്ധ്യാപിക
ഗവ. ഹൈസ്കൂള്‍, കാലടി
തിരുവനന്തപുരം
ഫോണ്‍- 8891497871
3 comments:
Teachere, engane pacha paramardhangal paranjal nammude blacks enthu cheyyum? madukkukaye ullutto
ഇതാരും കണ്ടുപിടിക്കില്ലെന്ന് കരുതിയിരിക്കുകയായിരുന്നു.
ടീച്ചറെ, ഞങ്ങളുടെ തൊലിയുരിയല്ലെ.
arthamulla kavitha.
Post a Comment