എട്ടാംക്ലാസ്സ് മുന്‍വര്‍ഷചോദ്യങ്ങള്‍
SSLC QUESTION POOL 2017 By SCERT CLICH HERE.......... SSLC QUESTION POOL 2017 By SCERT CLICH HERE............. SSLC QUESTION POOL 2017 By SCERT CLICH HERE..........

Dec 19, 2010

പിതൃഗൃഹം - കവിത


ഭൗതികമോഹമാം നീരാളി നീട്ടിയ

ജ്ഞാനവൃക്ഷത്തിന്‍ ഫലങ്ങള്‍ ഭുജിക്കവേ

മാനസചെപ്പിലെ സന്മാര്‍ഗ്ഗചിന്തകള്‍

കൈവിട്ടുപോയതറിഞ്ഞതേയില്ല ഞാന്‍

എന്നെ ഞാനാക്കിയ തത്ത്വശാസ്ത്രത്തിന്റെ

ദയനീയരോദനം കേട്ടതേയില്ല ഞാന്‍

കാലമേ,ചൊല്‍ക നീ മാന്ത്രികമാം നിന്റെ

മാറാപ്പിനുളളിലെ ഭാവികാലങ്ങളെ

ഗതകാലചിത്രങ്ങളെത്രയോമോഹനം

തൊട്ടുതലോടുവാനെത്രയുണ്ടാഗ്രഹം

സ്വര്‍ണ്ണവര്‍ണ്ണക്കനികളേന്തുന്ന വൃക്ഷങ്ങള്‍

നല്‍കുന്നശീതളച്ഛായാതലങ്ങളില്‍

അജപാലവൃന്ദങ്ങള്‍മധുരമായ് പാടുന്ന

ഗാന പീയൂഷരാഗപ്രവാഹത്തില്‍

അണയുന്നു ഹൃത്തടം അലിയുന്നു ഹൃത്തടം

ആലോലമായ് കാറ്റിലുലയുന്നു ഹൃത്തടം

സഹജാതനൊമ്പരം തൊട്ടറിഞ്ഞീടുവാന്‍

കഴിയാത്തൊരെന്‍മനമെത്രയോപങ്കിലം

ബാഷ്പബിന്ദുക്കളിറ്റൂവീണിന്നെന്റെ

അന്തരാത്മാവിതാ നൊന്തുപിടയുന്നു

അകാശനീലിമ താണ്ടിവരുന്നൊരു

സ്വരവീചിമൊഴിയുന്നു മാപ്പു നല്‍കുന്നു ഞാന്‍

നിന്നെ ദര്‍ശിച്ചിടാനുഴറുന്നു കണ്ണുകള്‍

നിന്നെ പുണരുവാന്‍ വെമ്പുന്നു പാണികള്‍

മാമക ഹൃത്തില്‍ മുഴങ്ങുന്നു സ്നേഹാര്‍ദ്രം

താതന്റെ ഗദ്ഗദമൂറിയ വാക്കുകള്‍

മൃദു ചിത്തത്തിലെത്രയൊ ആണികള്‍

ആഞ്ഞു തറച്ചുഞാന്‍ നിസ്ത്രപം നിര്‍ദ്ദയം

ഉണ്മതന്‍ വെണ്മയില്‍ ഹൃത്തടം മിന്നവേ

ഉരുകിയൊലിക്കട്ടെയെന്‍സിരാതന്തുക്കള്‍

9 comments:

sivanada kumar said...

good poem......... congrtsss

Anonymous said...

സാറേ, ഒരു ഉള്ളൂര്‍ ടച്ച് ഇല്ലേ എന്നൊരു സംശയം.

ശശികുമാര്‍ said...

കവിത നന്നായിരിക്കുന്നു..................

Unknown said...

സംസ്കൃത പദങ്ങള്‍ കൂടിയാല്‍ ഉള്ളൂര്‍ ടച്ചെന്നൊക്കെ പറയല്ലേ. കവിതയുടെ ആശയ ഭംഗി നോക്കിയാല്‍ പോരെ....................

Unknown said...

കവിത ഗംഭീരമായിരിക്കുന്നു................

SHAJI.N.K said...

Sir, very good
great
Congrass..........

Kalavallabhan said...

ഈ തിരുപ്പിറവിയുടെ ഓർമ്മനാളിൽ ഈ കവിത ശരിക്കും ഒരു ഓർമ്മിപ്പിക്കൽ തന്നെ ആയി.
നല്ല കവിത
കൃസ്തുമസാശംസകൾ

jjktimes said...

പ്രതികരണങ്ങള്‍ക്ക് ​ഒത്തിരി നന്ദി

Sabu Hariharan said...

നന്നായിരിക്കുന്നു :)
അഭിനന്ദനങ്ങൾ!