പ്രിയ സുഹൃത്തുക്കളേ
സ്ക്കൂള് വിദ്യാരംഗം ബ്ലോഗ് ഒരുവയസ്സ് പൂര്ത്തിയാക്കുന്ന ഈ അവസരത്തില് ഒരു പുതിയ സംരംഭത്തിനു തുടക്കമിടുകയാണ്. ഈ അദ്ധ്യയന വര്ഷം ഒമ്പതാം തരത്തിലെ ഐ.സി.റ്റി. പാഠപുസ്തകം പുതുക്കിയിട്ടുണ്ടല്ലോ. എല്ലാ അദ്ധ്യാപകസുഹൃത്തുക്കള്ക്കും മദ്ധ്യവേനല് അവധിക്കാലത്തുതന്നെ പരിശീലനവും ലഭിച്ചിട്ടുണ്ട്. ഐ.സി.റ്റി.യുടെ തിയറിക്ലാസ്സുകള് പ്രാക്ടിക്കല് ക്ലാസ്സുകള്ക്കുള്ള തയ്യാറെടുപ്പുകളാവണമെന്നും തിയറിക്ലാസ്സുകളില് പ്രാക്ടിക്കല് ചെയ്യുന്നതിനുള്ള വര്ക്ക് ഷീറ്റുകള് തയ്യാറാക്കണമെന്നും ഒക്കെയുള്ള ആശയങ്ങള് ആ പരിശീലനസമയത്ത് കൈമാറ്റം ചെയ്യപ്പെടുകയുണ്ടായി. കഴിയുന്നതും പ്രോജക്ടറുപയോഗിച്ച് ഡമോണ്സ്ട്രേഷന് ചെയ്ത് തിയറിപഠിപ്പിക്കണമെന്നും നിര്ദ്ദേശമുയര്ന്നിട്ടുണ്ട്.
മേല്പ്പറഞ്ഞ നിര്ദ്ദേശങ്ങള് പ്രാവര്ത്തികമാക്കാനുള്ള എളിയശ്രമത്തിന്റെ ഭാഗമായി തയ്യാറാക്കിയ ചില വര്ക്ക് ഷീറ്റുകളാണ് ഈ പോസ്റ്റില് ഉള്പ്പെടുത്തിയിരിക്കുന്നത്. ജിമ്പ് ഒരു ഇമേജ് എഡിറ്റിംഗ് സോഫ്റ്റ് വെയര് എന്ന നിലയില് പരിചയപ്പെടുത്തുകയും അതുപയോഗിച്ച് കൊളാഷ് നിര്മ്മിക്കുകയുമാണല്ലോ ഒന്നാം അദ്ധ്യായം.
